Cebuano News: Gingoog City, malampuson nga gi-selebrar ang 45th Grand Kaliga Festival
GINGOOG CITY, MISAMIS ORIENTAL (PIA) – Nagmalampuson ang pagselebrar sa Dakbayan sa Gingoog sa 64th City Charter Celebration ug 45th Grand Kaliga Festival pinaagi sa Grand Kaliga Street Dancing and Tableau Competition nga gipangunahan sa mga lideres sa lokal nga pangagamhanan ubos sa pagpanguna ni City Mayor Erick G. Cañosa. Adunay lima ka contigents ang mipartisipar karong tuiga gikan sa Gingoog City Comprehensive National High School, Brgy. Kalipay and Kalipay NHS, Gingoog City United Colleges, Alfonso Ang Militante Integrated School and Talento Mindanao, ug Brgy. Anakan and Rebucas Cares. Kahibaloan nga ang Kaliga Festival ang tinuig nga selebrasyon sa mga Gingoognons agi'g pagpasalamat sa abundance, prosperity, ug blessings inubanan sa pagpromotar sa talagsaong kultura ug tradisyon sa Tribong Higaonon. Gideklarang Kampyon karong tuiga ang Contingent No. 2 o ang Brgy. Kalipay ug Kalipay NHS sa Street Dancing and Tableau Competition samtang gideklarang 1st Runner Up ang Br...